Վթար Սեւան-Երեւան ճանապարհին. «ՌԵՆՈ»-ն հայտնվել է կամրջի ներքեւում

Հայաստանի ԱԻՆ-ում, այսօր՝ հունվարի 18-ին, ժամը 00.57-ին ահազանգ է ստացվել, որ Սեւան-Երեւան ավտոճանապարհի 14-րդ կմ-ին տեղի է ունեցել ավտովթար. ավտոմեքենան դուրս է եկել ճանապարհի երթեւեկելի հատվածից. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: 

Պարզվել է, որ «RENO» մակնիշի 35 SN 122 համարանիշի ավտոմեքենան (վարորդ՝ 40-ամյա Ա. Ա.) դուրս է եկել կամրջի երթեւեկելի հատվածից եւ հայտնվել ներքեւի ավտոճանապարհին, ինչի հետեւանքով Ա. Ա.-ն ստացել է մարմնական վնասվածքներ: Վերջինս հոսպիտալացվել է Սեւանի ԲԿ, որտեղ բժիշկները տուժածի առողջական վիճակը գնահատել են կայուն:

Փրկարարները հոսանքազրկել են ավտոմեքենան եւ փակել գազի բալոնի փականը։