Բաքվի ձայնը. «Ռուսաստանը շատ է հետաքրքրված Ղարաբաղում ռազմական ներկայությամբ»
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ ՌԴ ԱԳ նախարար Սերգեյ Լավրովը բանակցություններ է վարել Բաքվի և Երևանի գործընկերներ Ջեյհուն Բայրամովի և Արարատ Միրզոյանի հետ։ Նա եռակողմ բանակցություններից հետո մի շարք հայտարարություններ է արել.
- Ռուսաստանը կենսականորեն շահագրգռված է Հարավային Կովկասում խաղաղությամբ և կայունությամբ
- Ադրբեջանը և Հայաստանը պատրաստ են փոխադարձ հիմունքներով երաշխիքներ տրամադրել իրենց տարածքներում ազգային փոքրամասնությունների իրավունքների ապահովման համար
- Բաքվի և Երևանի միջև մեծ բանակցային գործընթացի գագաթնակետը կլինի խաղաղության պայմանագրի ստորագրումը
- Ռուսաստանն Ադրբեջանին և Հայաստանին առաջարկել է խորհրդարանականների միջոցով եռակողմ երկխոսություն սկսել
-Մոսկվան ողջունում է այն երկրների ցանկությունը, որոնք շահագրգռված են օգնել Բաքվին և Երևանին համաձայնության հասնելու հարցում։
Ադրբեջանցիներն ակտիվորեն քննարկել են Ռուսաստանի Դաշնության, Ադրբեջանի և Հայաստանի ԱԳ նախարարների եռակողմ հանդիպումը Caliber Telegram ալիքում:
Тимур. Իսկ ինչու՞ ոչինչ չի ասվում Ղարաբաղից հայկական զորքերի դուրսբերման մասին։
Hasan Ali. Քանի դեռ Ռուսաստանը տետ-ա-տեդ է խոսում, եռակողմ խոսակցություն չի լինի: Եռակողմ ձևաչափով բանակցությունների սեղանի շուրջ նստելուց առաջ յուրաքանչյուրի հետ առանձին խոսելն արդեն իսկ խոսում է այն մասին, որ խաղաղություն չի լինելու։
OMAR. Նախ, թող ՌԴ ՊՆ-ն սովորի ադրբեջանական բնակավայրերը գրել ադրբեջաներեն և դադարեցնի «հայ ահաբեկիչներին» զենք, վառելիք և փող մատակարարել, հետո մենք հնարավոր է և կհավատանք, որ Ռուսաստանը շահագրգռված է Կովկասում խաղաղությամբ։
EldarAgalarov. Ռուսաստանը կենսականորեն շահագրգռված է Ղարաբաղում ռազմական ներկայությամբ, ինչպես և Մերձդնեստրում, Օսիայում, Դոնբասում, Ղրիմում և այլն։
obyektiv10. Հայերի համար կարգավիճակ չի լինելու: Սովորել ենք: Ռետին են ձգում հակամարտությունը սառեցնելու համար, ինչպես միշտ այդպես անում է Ռուսաստանը։
komandos_22. Իսկ ու՞ր են Հայաստանից 300.000 ադրբեջանցի փախստականների իրավունքներն ու իրենց տները անվտանգ վերադարձի երաշխիքները:
Նյութը հրապարակման պատրաստեց Կամո Խաչիկյանը
