Ինչպե՞ս կօգնի Վեդու ջրամբարը Հայաստանի ֆերմերներին
ՎԵՐԼՈՒԾՈՒԹՅՈՒՆՆԵՐ
Mir24.tv-ն գրում է, որ Հայաստանում ավարտին է մոտենում Վեդու ջրամբարի շինարարությունը։ Դա կառավարության ոռոգման հայեցակարգի իրականացման փուլերից մեկն է։ Ջուրը անհավասարաչափ է բաշխված ողջ հանրապետությունում, և շատ գյուղացիներ այն չունեն, հայտնում է МИР 24-ի թղթակից Իրինա Մկրտչյանը։
Մեքենաների օգնությամբ շինարարները պնդեցնում են կավահողը։ Անհրաժեշտ է բարձրացնել ամբարտակի մակարդակը, որը 20 մետր բարձրություն ունի։ Պատնեշը տրապեզոիդ է։ Նման համամասնությամբ ջրի ազդեցությամբ տեղաշարժ չի առաջանում:
«Ավազանի հիմքի շուրջ բետոնային աշխատանքներն արդեն ավարտված են, մի ամբողջ տարի է, ինչ աշխատում ենք։ 70 մետր խորության վրա բետոն է լցվել, որպեսզի ամբարտակի տակից ջուրը չթողնի»,- ասել է գլխավոր ինժեներ Սերգեյ Սերեդան։
Վեդու ջրամբարը կառուցվում է պետբյուջեի միջոցներով և Զարգացման ֆրանսիական գործակալության վարկով։ Նոր ավտոմատացված համակարգը հնարավորություն կտա հեռակա կարգով բացել ու փակել կողպեքները, չափել ջրի ծավալները։
«Մենք վերահսկում ենք ջրամբարի կառուցման ողջ գործընթացը։ Պատվարը կառուցված է տարածքում գտնվող նյութերից։ Քարեր և կավահող են առաքվում մոտակայքում գտնվող քարհանքերից, ինչը զգալիորեն հեշտացնում է շինարարության գործընթացը։ Մենք որակի հսկողություն ենք իրականացնում բոլոր փուլերում»,- ասել է ֆրանսիական ընկերության աշխատակից Վիկտոր Լաբարը։
Ջրամբարը լցվելու է Վեդի և Խոսրով գետերից։ 11 կիլոմետրանոց խողովակաշարն արդեն կառուցված է։ Պատրաստ է նաև հիմնական ոռոգման համակարգը, որով ջուրը կմատակարարվի Արարատյան դաշտի ֆերմերներին։
«Շուրջ չորս հազար հեկտար հող ապահովվելու է ինքնահոս ջրով։ Դա նշանակում է, որ մենք կկարողանանք խնայել այն էլեկտրաէներգիան, որով աշխատել են պոմպակայանները։ Իսկ դա տարեկան 19 մլն կվտ/ժամ է»,- ասել է Վեդու ջրամբարի կառուցման ծրագրի համակարգող Վարազդատ Մկրտչյանը։
Վեդու ջրամբարը նաև Սևանին կօգնի: Այլևս կարիք չի լինի օգտագործել քաղցրահամ լճի ջուրը ոռոգման համար։ Ըստ պլանի ջրամբարը կլցվի մինչև հաջորդ ցանքաշրջանը։ Ծրագրի երկրորդ փուլը կլինի ֆերմերների հողատարածքներում կաթիլային ոռոգման ներդրումը։
Նյութը հրապարակման պատրաստեց Կամո Խաչիկյանը
