Քաղաքագետ. Ադրբեջանի կողմից Լեռնային Ղարաբաղի շրջափակումը կարող է հանգեցնել Հայաստանի հետ հակամարտության
ՎԵՐԼՈՒԾՈՒԹՅՈՒՆՆԵՐ
Absatz.media-ն գրում է, որ Ադրբեջանի կողմից Հայաստանը Լեռնային Ղարաբաղի (ԼՂՀ) հետ կապող Լաչինի միջանցքի շրջափակման պատճառով հայ-ադրբեջանական հերթական հակամարտությունը կարող է բռնկվել։ Այս մասին absatz.media-ին տված հարցազրույցում ասել է քաղաքագետ Ստանիսլավ Տարասովը մեկնաբանելով Երևանի դիմումը ուղղված ՄԱԿ-ին տարածաշրջանում ստեղծված իրավիճակի վերաբերյալ Անվտանգության խորհրդի նիստ անցկացնելու խնդրանքով։
«Իրավիճակը բարդ է և որոշակի սցենարներով այն կարող է վերածվել հայ-ադրբեջանական հերթական հակամարտության։ Հայաստանն ու Ադրբեջանը խաղում են սրացման վրա, և հնարավոր են սադրանքներ, որոնք էլ կհանգեցնեն սրացման: Ամեն ինչ կախված կլինի նրանից, թե ՄԱԿ-ի Անվտանգության խորհրդի անդամ երկրներն ինչ որոշում կընդունեն, քանի որ նրանց վերաբերմունքը Լաչինի միջադեպի նկատմամբ հեռու է միանշանակ լինելուց»,- ասել է նա։
Ավելի վաղ հայտնի էր դարձել, որ Երևանը դիմել է ՄԱԿ-ին Անվտանգության խորհրդի նիստ անցկացնելու խնդրանքով, որը պետք է վերաբերվի Ադրբեջանի կողմից Լեռնային Ղարաբաղի բնակչության ամբողջական շրջափակման հետևանքով առաջացած իրավիճակին։ Խոսքը Լաչինի միջանցքի մասին է, որը ԼՂՀ-ն Հայաստանին կապող միակ ճանապարհն է և ներկայումս շարունակում է փակ մնալ։
Նյութը հրապարակման պատրաստեց Կամո Խաչիկյանը
