Ամուսինը ծեծի է ենթարկել կնոջը` իր մոր հասցեին անպարկեշտ արտահայտություններ անելու համար
ԻՐԱՎՈՒՆՔ
Կոտայքի մարզի Չարենցավան քաղաքում տղամարդը կնոջ ծեծի է ենթարկել՝ իր մոր հասցեին անպարկեշտ արտահայտություններ անելու համար:
Դեպքը տեղի է ունեցել փետրվարի 4-ին: Բախշի Օհանյանի կինը իր մորը վիրավորել է, անպարկեշտ արտահայտություններ է արել սկեսուրի հասցեին, ինչն էլ տղամարդու զայրույթի պատճառ է դարձել և ձեռքերով, ապա նաև ոտքերով բազմաթիվ հարվածներ է հասցրել կնոջը:
Ըստ դատաբժշկական փորձաքննության եզրակացության՝ կնոջ առողջությանը պատճառվել է կզակի, ձախ գոտկային շրջանի, ձախ ազդրի ստորին երրորդի արյունազեղումների, ձախ նախաբազկի ստորին երրորդի քերծվածքի ձևով թեթև վնասի հատկանիշներ չպարունակող մարմնական վնասվածք:
Բախշի Օհանյանին մեղադրանք է առաջադրվել ՀՀ քրեական օրենսգրքի 118-րդ հոդվածով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Գործը կքննվի Կոտայքի մարզի ընդհանուր իրավասության դատարանում:
Նյութի աղբյուր` Փաստինֆո
