«Նույն Զելենսկին». Պետդումայում կանխատեսել են Փաշինյանի «Երևանի կորուստը»
ՎԵՐԼՈՒԾՈՒԹՅՈՒՆՆԵՐ
News.ru-ն գրում է, որ Հայաստանի վարչապետ Նիկոլ Փաշինյանը գնում է Ռուսաստանի հետ հարաբերությունները քանդելու ճանապարհով այնպես, ինչպես Ուկրաինայի առաջնորդ Վլադիմիր Զելենսկին, NEWS.ru-ին տված հարցազրույցում ասել է ՌԴ Պետդումայի պաշտպանության կոմիտեի նախագահի առաջին տեղակալ Ալեքսեյ Ժուրավլևը։ Նրա խոսքով, Հայաստանի կառավարության ղեկավարը վտանգում է «կորցնել Երևանը»:
«Փաշինյանը Հայաստանում անում է ճիշտ նույն բանը, ինչ Զելենսկին Ուկրաինայում՝ հետևողականորեն և անշեղորեն վատթարացնում է հարաբերությունները Ռուսաստանի հետ, չնայած այն հանգամանքին, որ դա չափազանց անշահավետ է իր ժողովրդի համար և ինչ-որ չափով կարող է նույնիսկ վտանգավոր լինել»,- ասել է պատգամավորը։ Նա նշել է, որ Հայաստանը շրջվել է ՀԱՊԿ կառույցներից և սկսեց մասնակցել ՆԱՏՕ-ի զորավարժություններին։ Այժմ Փաշինյանը մտադիր է հրաժարվել ռազմական ոլորտում Ռուսաստանի Դաշնության հետ համագործակցությունից մոռանալով, որ իր նախորդ դեմարշն է հանգեցրել ղարաբաղյան իրադարձություններին, մատնանշել է պատգամավորը։ Միաժամանակ նա հավելել է, որ այդ հայ քաղաքական գործիչը Ռուսաստանին է մեղադրում քաղաքական դաշտում թույլ տված իր սխալների համար։ «Թող հրաժարվի, հույսը դնի Արևմուտքի օգնության վրա, միայն հիշեք, որ Երևանը կարող է շուտով կորցնել»,- եզրափակել է Ժուրավլևը։
Հիշեցնենք, որ Փաշինյանը նախօրեին ասել էր, որ Ռուսաստանն այլևս չի կարող լինել Հայաստանի հիմնական գործընկերը պաշտպանական և ռազմատեխնիկական ոլորտներում։ Նրա խոսքով, դրա համար կան «օբյեկտիվ և սուբյեկտիվ» պատճառներ։
Նյութը հրապարակման պատրաստեց Կամո Խաչիկյանը
