Միջազգային վալյուտային հիմնադրամ. Պետական պարտքի գծով Վրաստանը 141-րդն է աշխարհում
ՔԱՂԱՔԱԿԱՆՈՒԹՅՈՒՆ
Միջազգային վալյուտային հիմնադրամի տվյալներով Վրաստանը պետական պարտքով աշխարհի 188 երկրների շարքում 141-րդն է։ Նշենք, որ որքան մոտենում է ցուցակի ավարտը, այնքան ցածր է պետական պարտքի բեռը, գրում է eadaily.com-ը։
2023 թվականի վերջին Վրաստանի պետական պարտքը (արտաքին և ներքին) կազմել է ՀՆԱ-ի (Համախառն ներքին արդյունք) 39,2%-ը։ 2023 թվականի դեկտեմբերի 31-ի դրությամբ Վրաստանի կառավարության պարտքը կազմում էր 32,6 միլիարդ լարի։ Անվանական արտահայտությամբ այն աճել է 2,8 մլրդ լարիով, սակայն տնտեսական աճի շնորհիվ չի գերազանցել ՀՆԱ-ի 40%-ը, գրել է Forbes Georgia-ն։
Միջազգային վալյուտային հիմնադրամի տվյալներով Սուդանն ունի աշխարհի ամենածանր պետական պարտքի բեռը՝ ՀՆԱ-ի 317%-ը։ Երկրորդ տեղում Ճապոնիան է՝ 252%։ Երրորդ տեղում Հունաստանը՝ 169%։ Անվանական արտահայտությամբ ԱՄՆ-ն ունի ամենաբարձր պետական պարտքը՝ 33 տրլն դոլար։ Տոկոսային արտահայտությամբ դա ՀՆԱ-ի 122%-ն է և ԱՄՆ-ը ցուցակի տասներորդ տեղում է։
Վրաստանին հարակից երկրներից Հայաստանն ունի պետական պարտքի ամենաբարձր բեռը՝ ՀՆԱ-ի 50,5%-ը։ Հաջորդը Թուրքիան է 28,9%-ով։ Ռուսաստանի պետական պարտքը կազմում է ՀՆԱ-ի 19,7%-ը, իսկ Ադրբեջանինը՝ 18,4%-ը։
Իսկ աշխարհի ամենացածր պետական պարտքը մինչև կես միլիոն բնակչությամբ Բրունեյում է՝ ՀՆԱ-ի ընդամենը 2,3%-ը։
Նյութը հրապարակման պատրաստեց Կամո Խաչիկյանը
