«Անհրաժեշտության դեպքում կտրվի ռազմատեխնիկական բնույթի պատասխան»․ Ռուսաստանում արձագանքել են Ֆինլանդիա-ԱՄՆ ռազմական համագործակցության ընդլայնմանը
ՄԻՋԱԶԳԱՅԻՆ
Ռուսաստանի սահմանների մոտ ՆԱՏՕ-ի ռազմական ներուժի ընդլայնման շարունակվող փորձերը կարժանանան պատասխանի, ճեպազրույցի ժամանակ հայտարարել է ՌԴ ԱԳՆ տեղեկատվության և մամուլի դեպարտամենտի փոխտնօրեն Անդրեյ Նաստասինը։
«Ռուսաստանն անպատասխան չի թողնի իր սահմանին ՆԱՏՕ-ի ռազմական ներուժի ընդլայնումը, դա սպառնում է Ռուսաստանի Դաշնության անվտանգությանը»,- ասել է նա՝ մեկնաբանելով Ֆինլանդիայի խորհրդարանի կողմից Միացյալ Նահանգների հետ պաշտպանական ոլորտում համաձայնագրի հաստատման փաստը։ Այդ համաձայնագրով Ֆինլանդիան իր 15 ռազմական օբյեկտները տրամադրելու է ամերիկյան զորքերին՝ նրանց կողմից հնարավոր օգտագործման համար։ Բացի այդ, Ֆինլանդիա կարող է ուղարկվել ամերիկյան ռազմական տեխնիկա։ Համաձայնագիրը հիմք է ստեղծում Ֆինլանդիայում ԱՄՆ մշտական ռազմական ներկայության համար։
«Ռուսաստանը կձեռնարկի անհրաժեշտ միջոցներ, այդ թվում՝ ռազմատեխնիկական բնույթի՝ հակազդելու Ֆինլանդիայի և ՆԱՏՕ-ի նրա դաշնակիցների ագրեսիվ բնույթի որոշումներին»,- ասել է ՌԴ ԱԳՆ պաշտոնյան։
