Ռուսաստանում ուժի մեջ է մտել բենզինի արտահանման արգելքը
ՄԻՋԱԶԳԱՅԻՆ
Այսօր՝ օգոստոսի մեկին, Ռուսաստանում ուժի մեջ է մտել բենզինի արտահանման արգելքը, որը կտևի մինչև հոկտեմբերը ներառյալ։ Դիզվառելիքի մասով նմանատիպ միջոց չի ձեռնարկվել, գրում է ՏԱՍՍ-ը։
Էներգետիկայի նախարարության ղեկավարի առաջին տեղակալ Պավել Սորոկինի խոսքով՝ կառավարությունն այս որոշումը կայացրել է շուկան կայունացնելու, մատակարարմամբ հագեցնելու և գների կտրուկ աճը կանխելու նպատակով, այդ թվում՝ մեծածախ առևտրի մեջ։
Ռուսաստանի Դաշնությունից բենզինի արտահանման արգելքը գործում էր 2023 թվականին՝ սեպտեմբերի 21-ից նոյեմբերի 17-ը՝ շարժիչային վառելիքի ներքին շուկայում գնային իրավիճակը կայունացնելու նպատակով։ Նմանատիպ միջոց է կիրառվել դիզելային վառելիքի նկատմամբ։
Միաժամանակ, 2024 թվականի մարտի 1-ից օգոստոսի 31-ը կառավարությունը կրկին ժամանակավոր արգելք դրեց բենզինի (բայց ոչ դիզվառելիքի) արտահանման վրա, որը, սակայն, կասեցվեց մայիսի վերջից մինչև հուլիսը ներառյալ։
