Բացառիկ կադրեր՝ 4 մեքենաների բախման վայրից․ զոհեր կան
ՄԻՋԱԶԳԱՅԻՆ
Ականատեսը տեսանկարահանել է պահը, երբ աղբահավաք մեքենան բախվել է հինգ մեքենաների Կրասնոդարի շրջանի Տուապսինսկի հատվածում գտնվող մայրուղում, ինչի հետևանքով երեք մարդ է մահացել։
Վթարը տեղի է ունեցել 2024 թվականի օգոստոսի 17-ի մոտավորապես 23:15-ին, Լերմոնտովո գյուղի մոտ։
Կադրերը հաստատում են ավելի վաղ հրապարակված տեղեկությունը, որ Ford և Land Rover մեքենաների վարորդները ճանապարհային վեճ են ունեցել, որովհետև մեկը չէր թողել մյուսին անցնել։
Արդյունքում, այդ վայրում առաջացել է խցանում, քանի որ մի քանի մեքենայի սեփականատերեր կանգնեցրել էին իրենց մեքենաները մայթին՝ փորձելով բաժանել վիճող տղամարդկանց:
КамАЗ-ը հայտնվել է այն պահին, երբ կոնֆլիկտը արդեն գրեթե մարվել էր, և հակառակորդները միայն թեթևակի վիճում էին: Սկզբում նշվում էր, որ КамАЗ-ը շրջանցում էր խցանումը, բայց տեսագրության վրա երևում է, որ աղբահավաք մեքենան ուղիղ շարժվում էր անվտանգության կղզյակում գտնվող մեքենաների ուղղությամբ:
Ծանր մեքենան մեծ արագությամբ բախվել է հինգ մեքենաների, որոնցից մեկը, ենթադրաբար, Ford-ը, շրջվել է կողքի և մի քանի մարդու վրա է ընկել։
