«Զվարթնոց» օդանավակայանում զինված տղամարդ է եղել

ՆԳՆ-ից հայտնում են, որ համայնքային ոստիկանության «Զվարթնոց» օդանավակայանի գծային բաժնում դեկտեմբերի 4-ի երեկոյան տեղեկությունն ստացվել, որ զինված մարդ է մտել օդանավակայան։

Այն օպերատիվորեն ստուգվել և հաստատվել է։ Բաժնի ծառայողները զենք-զինամթերք կրելու և պահելու կասկածանքով ուղևորների բարձրակարգ սպասարկման սրահում ձերբակալել և բաժին են ներկայացրել 30-ամյա երիտասարդի։

Նրա պայուսակում հայտնաբերվել են 7 փամփուշտով լիցքավորված ատրճանակ և դանակ:

Նախաձեռնվել է քրեական վարույթ։ Նշանակվել է փորձաքննություն։