Բիթքոինի արժեքը կրկին գերազանցել է պատմական առավելագույն ռեկորդը

Բիթքոինի գինը պատմության մեջ առաջին անգամ գերազանցել է 106,000 դոլարի նշագիծը և հերթական անգամ գերազանցել պատմական ռեկորդը՝ համաձայն Binance կրիպտո բորսայի տվյալների։

Բիթքոինի փոխարժեքը սկսել է աճել նոյեմբերի 5-ին՝ ԱՄՆ նախագահական ընտրությունների օրը, և, 68 հազար դոլարից սկսած, կրիպտոարժույթի արժեքը բազմիցս թարմացրել է իր պատմական առավելագույնը:

Կրիպտոարժույթների ընդհանուր կապիտալիզացիան մեկ օրում աճել է 0,69%-ով՝ հասնելով 3,641 տրլն դոլարի՝ ըստ TradingView-ի տվյալների։ Դրանցից 2,08 տրլն դոլարը (57%-ից մի փոքր ավելին) նոյեմբերի 4:25-ի դրությամբ կազմում է բիթքոինը:

Շուկայում աճում է նաև այլ առանցքային կրիպտոարժույթների արժեքը: Օրինակ՝ Ethereum-ն աճել է 1,15%-ով՝ հասնելով 4 հազար դոլարի՝ մեկ միավորի համար։