«Չայնիի ոլորաններ» կոչվող հատվածում մեքենա է այրվել
ՀԱՍԱՐԱԿՈՒԹՅՈՒՆ
Հունվարի 1-ին՝ ժամը 00:53-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Չայնիի ոլորաններ» կոչվող հատվածում այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Երևան-Սևան ավտոճանապարհի 26-րդ կմ-ին Mercedes-Benz մակնիշի ավտոմեքենայում (վարորդ՝ Գ. Խ., ծնված 1986 թ.). տուժածներ չկան: Հրդեհը մեկուսացվել է ժամը 01:45-ին, մարվել՝ 02:15-ին: Այրվել է ավտոմեքենան:
