Շոլցը կարող է Գերմանիայում արտակարգ դրություն հայտարարել

Գերմանիայի կանցլեր Օլաֆ Շոլցը Մյունխենի անվտանգության համաժողովում հայտարարել է, որ կարող է Գերմանիայում արտակարգ դրություն հայտարարել՝ Ուկրաինային ռազմական օգնություն ցուցաբերելու համար։ Այս մասին հայտնում է ՏԱՍՍ-ը։

«Եվրոպայի կենտրոնում պատերազմն արտակարգ իրավիճակ է, էլ ի՞նչ պետք է լինի»,- ասել է նա՝ նշելով, որ Գերմանիայի սահմանադրությունը նախատեսում է նման իրավիճակի դեպքում պարտքի արգելակը թուլացնելու հնարավորություն։

Ավելի վաղ Շոլցը հայտարարել էր, որ ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի բանակցություններն անսպասելի չէին, սակայն նման իրադարձությունը պահանջում է Եվրոպայի հստակ, արագ և վճռական դիրքավորում։