Կարեն Գրիգորյանը՝ Սևիլիայի մրցաշարի հաղթող

Հայաստանը ներկայացնող գրոսմայստեր Կարեն Գրիգորյանը նվաճել է Իսպանիայում անցկացված «Սիուդադ դե Սևիլիա» միջազգային մրցաշարի հաղթողի կոչումը:

Գրիգորյանը 7 հնարավորից վաստակել է 6,5 միավոր և 4 կետով բարելավել նաև իր անհատական վարկանիշը։ Մրցաշարին մասնակցում էին 132 շախմատիստներ:

ԱՄՆ-ի Ֆիլադելֆիա քաղաքում տեղի ունեցած World Open միջազգային խոշոր մրցաշարում 3-6-րդ տեղերը բաժանել է Հայաստանի ներկայացուցիչ Արամ Հակոբյանը: Երիտասարդ գրոսմայստերը 9 հնարավորից հավաքել է 7 միավոր: Մրցաշարի հաղթող է դարձել ԱՄՆ-ի ներկայացուցիչ Հանս Նիեմանը՝ վաստակեց 7,5 միավոր

Գրոսմայստերներ Զավեն Անդրիասյանը և Վլադիմիր Հակոբյանը 6,5-ական միավոր բաժանել են 7-10-րդ տեղերը։
Մինչև 1800  գործակից ունեցող շախմատիստների պայքարում Հայաստանը ներկայացնող երիտասարդ շախմատիստ Վալերի Հակոբյանը 8 միավորով դարձել է մրցաշարի հաղթող։