Գվարդիոլան անսպասելիորեն երգել է «Բարսելոնայի»125-ամյակի կապակցությամբ

Ուրբաթ երեկոյան «Բարսելոնայի» նախկին և ներկա աստղերը հավաքվել էին միասին, որպեսզի նշեն ակումբի 125-ամյակը։ Հրավիրվածների թվում էր նաև «Մանչեսթեր Սիթիի» մարզիչ Պեպ Գվարդիոլան, ով շատերի համար անսպասելիորեն երգել է։

Պեպ Գվարդիոլայի նախապես ձայնագրված տեսանյութը ցուցադրվել է Գրան Թատրեում, իսկ քթի վրայի սպին որոշ հուշումներ է տվել, թե երբ է այն նկարահանվել։

Գվարդիոլան երգել է կատալոնական Manel խմբի «Aniversari» երգը։ Ելույթը տևել է մեկ րոպեից մի փոքր ավելի և արժանացել է դահլիճի բուռն ծափողջույններին։

Պեպ Գվարդիոլան և «Մանչեսթեր Սիթին» այժմ բավականին դժվարին ժամանակներ են ապրում։ Իսպանացի մարզչի թիմը չի կարողանում հաղթել վերջին հինգ հանդիպումներում։