Իրանը հաջողությամբ ուղեծիր է արձակել «Ֆախր-1» արբանյակը

Իրանի բանակը հաջողությամբ ուղեծիր է արձակել «Ֆախր-1» արբանյակն՝օգտագործելով հայրենական արտադրության «Սիմորղ» կրող հրթիռը։ Այս մասին հաղորդում է Tasnim գործակալությունը։

Ուղեծիր մտնելուց կարճ ժամանակ անց «Ֆախր-1»-ն ազդանշան է ուղարկել Երկիր։

Արբանյակը, որը կշռում է 10 կգ-ից պակաս, մշակվել և կառուցվել է Իրանի բանակի, SA իրանական ընկերության և Մալեք Աշտարի տեխնոլոգիական համալսարանի համագործակցության արդյունքում։

Հիմնական ենթահամակարգերը, ներառյալ կենտրոնական համակարգիչը, էներգիայի կառավարման համակարգը, ռադիոկապի և թռիչքի դինամիկայի մոդուլները, մշակվել են հենց Իրանում և գործարկվել են առաջին անգամ: