Զիդանը ցանկություն չունի ժամանակավոր մարզիչի կարգավիճակում վերադառնալ «Ռեալ»

Մադրիդի «Ռեալի» ղեկավարությունը ցանկանում է փոխարինել թիմի իտալացի գլխավոր մարզիչ Կառլո Անչելոտիին եւ մինչեւ մրցաշրջանի ավարտը պաշտոնը վստահել թիմի նախկին գլխավոր մարզիչ, ֆրանսիացի Զինեդին Զիդանին, հաղորդում է Cadena Ser-ը։ Զիդանը պատրաստ է վերադառնալ Արքայական ակումբ, սակայն մի քանի տարվա պայմանագրով։

«Ռեալը» մտադիր է հաջորդ ամռանը հրավիրել Գերմանիայի չեմպիոն Լեւերկուզենի «Բայերի» իսպանացի գլխավոր մարզիչ Խաբի Ալոնսոյին։

Զիդանը «Ռեալը» գլխավորել է 2016-2018-ին եւ 2019-2021-ին՝ նվաճելով 11 տիտղոս։