Վանում տասնյակ ավտոմեքենաներ են վթարի ենթարկվել. կա զոհ և տուժածներ

Թուրքիայի Վանի նահանգում տեղի է ունեցել 30 ավտոմեքենաների մասնակցությամբ խոշոր ավտովթար, հայտնում են տեղական լրատվամիջոցները:

 

Նախնական տվյալներով՝ վթարի հետևանքով զոհվել է 1 մարդ, 51-ը վիրավորվել են: Տուժածներից 4-ի վիճակը ծանր է։

 

Հաղորդվում է, որ վթարի պատճառ են դարձել մառախուղն ու մերկասառույցը:

Դեպքի վայրում երթևեկությունը մասամբ վերականգնվել է: