Սիրիայում դիմակավորված զինված անձինք այրել են տոնածառը․ Sky News Arabia

Սիրիական Էս-Սուքեյլաբիյա քաղաքի կենտրոնում դիմակավորված զինված անձինք այրել են տոնածառը։ Այս մասին հայտնում է Sky News Arabia-ն։

Տեղի բնակիչները փորձել են հանգցնել ծառը, սակայն հարձակվողները զենքի սպառնալիքով կանգնեցրել են նրանց։ Արդյունքում ծառն ամբողջությամբ այրվել է։ Հրշեջները դեպքի վայր են ժամանել միայն այն բանից հետո, երբ գրոհայինները լքել են հրապարակը, նշում է հեռուստաալիքը։

Ավելի ուշ հայտնի դարձավ, որ ռազմական վարչակազմը ձերբակալել է հրկիզումը նախաձեռնած խմբին և խոստացել կիրառել ամենախիստ պատիժը։