Հարավային Կորեայում 7-օրյա սուգ է հայտարարվել ինքնաթիռի կործանման կապակցությամբ

Հարավային Կորեայի նախագահի պաշտոնակատար և տնտեսական հարցերով փոխվարչապետ Չոյ Սանգ-Մոկը դեկտեմբերի 29-ից մինչև հունվարի 4-ը ներառյալ 7-օրյա ազգային սուգ է հայտարարել Մուան քաղաքում տեղի ունեցած ավիավթարի պատճառով։

«Կառավարությունն այսօրվանից մինչև հունվարի 4-ը (ներառյալ) յոթօրյա համազգային սուգ է հայտարարել։ Եվս մեկ անգամ մեր խորին ցավակցությունն ենք հայտնում զոհվածների ընտանիքներին։ Կառավարությունը կանի հնարավորը՝ վթարի հետևանքները վերացնելու համար», – ասված է հայտարարության մեջ։