Եռակողմ խմբի աշխատանքում երբեք չի քննարկվել Հայաստանում որեւէ արտատարածքային միջանցքի ստեղծման հարց

Եռակողմ աշխատանքային խմբի շրջանակներում, որը համանախագահում են Ռուսաստանի, Ադրբեջանի և Հայաստանի փոխվարչապետները, կարևոր գործնական արդյունքներ են ձեռք բերվել։

Այս մասին այսօր կայացած ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

Նրա խոսքով՝ Եռակողմ աշխատանքային խմբի աշխատանքում երբեք չի քննարկվել Հայաստանում որեւէ արտատարածքային միջանցքի ստեղծման հարց։

Ըստ Զախարովայի՝ ընդհակառակը, պայմանավորվել են, որ կողմերն ունեն ինքնիշխանություն իրենց տարածքներով անցնող միջանցքների նկատմամբ։