«Ինստագրամ»-ը ներկայացրել է CapCut-ին համարժեք հավելված

Instagram սոցիալական ցանցը ներկայացրել է Reels (TikTok-ի նմանակը) տեսանյութերի խմբագրման նոր հավելված՝ Edit։

Հավելվածն ինքնին CapCut-ի կլոնն է, որը թույլ էր տալիսլ խմբագրել տեսանյութեր՝ TikTok-ում հրապարակելու համար: TikTok-ն ԱՄՆ-ում արգելված է հունվարի 19-ից։

Edit հավելվածն այժմ հասանելի է iOS App Store-ում նախնական պատվերի համար և կթողարկվի մարտի 13-ին։

Instagram-ի աշխատակազմից նշել են, որ «հիմա շատ բան է տեղի ունենում, բայց խնդիր կա հեղինակներին տրամադրել լավագույն գործիքները»: Նրանք անվանում են հավելվածն ավելին, քան պարզապես խմբագրման ծրագիր՝ նշելով, թե դա «ստեղծագործական գործիքների ամբողջական փաթեթ է»: