Մինչև 18 տարեկան անձանց էներգետիկ ըմպելիքների վաճառքն արգելող նախագիծն ընդունվեց

Ազգային ժողովի նիստին երկրորդ ընթերցմամբ և ամբողջությամբ ընդունված նախագծերի թվում է ««Առևտրի և ծառայությունների մասին» ՀՀ օրենքում լրացումներ կատարելու մասին» և կից ներկայացված օրինագծերի փաթեթը: Նախատեսվող փոփոխությունների հեղինակները՝ պատգամավորներ Ալխաս Ղազարյանը, Հակոբ Արշակյանը, Բաբկեն Թունյանը, Սոնա Ղազարյանը, Արուսյակ Ջուլհակյանը, Արսեն Թորոսյանը, Մարիամ Պողոսյանը, Հասմիկ Հակոբյանը, առաջարկում են արգելել 18 տարին չլրացած անձանց ալկոհոլային խմիչքների և էներգետիկ ըմպելիքների վաճառքը կամ այլ ձևով իրացումը:

Կսահմանափակվի նաև էներգետիկ ըմպելիքների գովազդը՝ սահմանելով վարչական պատասխանատվություն արգելքներն ու սահմանափակումները խախտելու համար: