Մոլդովան չի մասնակցի «Եվրատեսիլ 2025»-ին

Մոլդովան չի մասնակցի մայիսին շվեյցարական Բազելում կայանալիք «Եվրատեսիլ-2025» մրցույթին:

Այս մասին Քիշնևում կայացած մամուլի ասուլիսի ժամանակ հայտնել են TeleRadio-Moldova (TRM) հեռուստառադիոընկերության ներկայացուցիչները։

«Որոշումը հեշտ չէր, բայց ներկա պայմաններում անհրաժեշտ էր։ Այս տարվա ազգային ընտրությունը բացահայտեց որոշակի խնդիրներ՝ ներառյալ հանրային հետաքրքրության նվազում և համարների ընդհանուր որակ: Դա բացասական ընկալման է հանգեցրել ինչպես մասնագետների, այնպես էլ հասարակության շրջանում, ինչն ընդգծել է ընտրության գործընթացի արմատական բարեփոխման անհրաժեշտությունը»,- ասել է Moldova 1 հեռուստաալիքի տնօրենը։