Գիտնականներն Արեգակի վրա սև պլազմայի հազվագյուտ արտանետում են գրանցել
ԱՄԵՆԱԸՆԹԵՐՑՎԱԾ
Հունվարի 22-ին Արեգակի վրա հազվագյուտ երևույթ է գրանցվել՝ սև պլազմայի արտանետում, որը տևել է մոտ երեք ժամ: Այս մասին հայտնել են ՌԴ Գիտությունների ակադեմիայի Տիեզերական գիտահետազոտական ինստիտուտի Արեգակնային աստղագիտության լաբորատորիայում և ՌԴ ԳԱ Սիբիրյան մասնաճյուղի Արեգակնային-երկրային ֆիզիկայի ինստիտուտում։
Գիտնականների կարծիքով՝ բռնկումն ուղեկցվել է մեծ քանակությամբ չեզոք ջրածնի արտանետմամբ։ Երեք ժամ շարունակ արեգակնային պսակում նկատվել է պլազմայի սև ամպ:
Լաբորատորիայի ղեկավար Սերգեյ Բոգաչովը ՏԱՍՍ-ին ասել է, որ այս երևույթը էներգետիկ առումով հզոր չէ և հետաքրքիր է միայն իր անսովորությամբ։ Նա ընդգծել է, որ դա չի ազդել տիեզերական եղանակային պայմանների կանխատեսումների կամ գնահատականների վրա, քանի որ նյութի մեծ մասը վերադարձել է Արեգակ:
