Արման Ծառուկյան․ Օլիվեյրայի հետ մենամարտն ունի իմաստ, ես պատրաստ եմ

Խառը մենամարտերի թեթեւ քաշային կարգում (մինչեւ 70 կգ) UFC դասակարգման առաջին համար, Հայաստանի ներկայացուցիչ Արման Ծառուկյանը պատրաստ է մեջքի վնասվածքը բուժելուց հետո ռեւանշ-մենամարտ անցկացնել UFC նախկին չեմպիոն, բրազիլացի Չարլզ Օլիվեյրայի հետ։

«Օլիվեյրայի հետ մենամարտն ունի իմաստ։ Նա չի կարող լինել տիտղոսի հավակնորդ, քանի որ ես նրան հաղթել եմ։ Եթե UFC-ն ցանկանա դարձյալ կազմակերպել այդ մենամարտը, ես կողմ եմ։ Օլիվեյրայի թիմն ասում էր, որ նրանք կհաղթեին ինձ 5 ռաունդում։ Ես պատրաստ եմ ռեւանշի Օլիվեյրայի հետ»,- Արման Ծառուկյանի խոսքը մեջբերում է JAXXON-ը։

Արման Ծառուկյանն անցած տարվա ապրիլին հաղթել էր Օլիվեյրային մրցավարների ոչ միաձայն որոշմամբ։