Nintendo-ն կդադարեցնի ոսկե միավորներ շնորհել խաղերի գնումների համար

Տեսախաղերի և խաղային համակարգերի ստեղծմամբ զբաղվող ճապոնական Nintendo ընկերությունը հայտարարել է, որ 2025 թվականի մարտի 25-ից օգտատերերն այլևս չեն ստանա ոսկե միավորներ խաղերի թվային տարբերակները Nintendo eShop-ից և ընկերության պաշտոնական կայքում գնելու համար։ Այս մասին գրում է kommersant.ru-ն:

Նախկինում այս միավորները շնորհվում էին խաղերի և՛ թվային, և՛ ֆիզիկական օրինակների գնման համար և կարող էին օգտագործվել հետագա գնումների համար զեղչեր ստանալու համար:

Հաճախորդները, որոնք նախապես կպատվիրեն խաղեր մինչև մարտի 25-ը, կշարունակեն ստանալ ոսկե միավորներ, նույնիսկ եթե վճարումը կատարվի այդ ամսաթվից հետո:

Բացի այդ, մինչև 2025 թվականի մարտի 24-ը թողարկված խաղերի ֆիզիկական պատճենների սեփականատերերը կկարողանան շարունակել դրանք գրանցել Nintendo Switch-ում՝ խաղի թողարկման օրվանից երկու տարի միավորներ վաստակելու համար։

Նախկինում վաստակած ոսկե միավորները ուժի մեջ կմնան 12 ամիս՝ սկսած դրանք վաստակելու օրվանից և կարող են օգտագործվել Nintendo eShop-ում զեղչեր ստանալու համար: Ընկերությունը շնորհակալություն է հայտնել օգտատերերին My Nintendo ծրագրին մասնակցելու համար և հայցել ներողամտությունը փոփոխության հետևանքով առաջացած ցանկացած անհարմարության համար։