Հեռացվել է Մալախովի հաղորդման այն հատվածը, որում ադրբեջանցի երգիչները կատարում էին Էրիկ Կարապետյանի «Ոչ ավել, ոչ պակաս» երգը

Օրեր առաջ երգիչ Էրիկ Կարապետյանը ֆեյսբուքյան իր էջում հայտնել էր, որ ռուսական «Россия 1» ալիքով հեռարձակվող Անդրեյ Մալախովի «Песни от всей души» հաղորդմանը հնչել էր իր «Ոչ ավել, ոչ պակաս» երգը ադրբեջանցի երգիչների կատարմամբ։

Այն ներկայացվել է որպես ադրբեջանական երգ, որը դժգոհության մեծ ալիք էր բարձրացրել։

Ինստագրամյան հարթակում և հաղորդման յութուբյան ալիքի մեկնաբանություններում բազմաթիվ մեկնաբանություններից հետո «Песни от всей души» հաղորդման փետրվարի 16-ի եթերից հեռացվել է ադրբեջանցի երգիչների կատարման հատվածը։