Հայաստանն 87-րդն է, Ֆինլանդիան՝ առաջինը

Ֆինլանդիան 8-րդ տարին անընդմեջ գլխավորում է ամենաերջանիկ երկրների վարկանիշային ցուցակը:

Հրապարակվել է Համաշխարհային երջանկության զեկույցը, որը պատրաստվել է Միավորված ազգերի կազմակերպության պատվերով մի խումբ փորձագետների կողմից:

Լավագույն եռյակում են հայտնվել նաև Դանիան և Իսլանդիան:

Լավագույն տասնյակում են հաջորդաբար՝ Շվեդիան, Նիդեռլանդները, Կոստա Ռիկան, Նորվեգիան, Իսրայելը, Լյուքսեմբուրգը և Մեքսիկան։

ԱՄՆ-ն 24-րդ տեղում է, Ռուսաստանը՝ 66-րդ, Չինաստանը՝ 68-րդ։

Հայաստանը զբաղեցրել է 87-րդ տեղը։ Հարևան Վրաստանն 91-րդ տեղում է, Թուրքիան՝ 94-րդ, Իրանը՝ 99-րդ։ Ադրբեջանը 106-րդ տեղում է։

147 երկրների մեջ վերջին տեղում Աֆղանստանն է։