Ավանի փոխթաղապետը՝ փաշինյանական իշխանության պատկեր

Քրեական քրոնիկոնի մեջ երեկ հրապարակած լուրերում մի տեղեկություն ֆեյսբուքում իսկական իրարանցում առաջացրեց, թեև այնպես չէր, որ կասկածյալի անձը հանրությանը հայտնի չէր։ Նշենք, որ ԶԼՄ-ների տեղեկություններով՝ ՀՀ ոստիկանապետը հանձնարարել է խիստ և անհանդուրժող լինել թմրամոլների նկատմամբ։ Եվ օրեր առաջ Երևանի Տիգրան Մեծի պողոտայից թմրանյութ պահելու կասկածանքով Էրեբունու ոստիկանություն են բերման ենթարկվել երկու քաղաքացիներ՝ Երևանի բնակիչներ 42-ամյա Ն.Պ-Ն և 42-ամյա Ս.Ս-Ն։

Ն.Պ.-ի մոտ հայտնաբերվել է օգտագործված կաթուցիչ։ Եվ վերջինս հայտարարել է, թե այն գտել է 1 օր առաջ Նոր Նորքի 2-րդ զանգվածում գտնվող այգուց։ Ն.Պ.-ն Երևանի Ավան վարչական շրջանի ղեկավարի տեղակալն է, հայտնի Ներսես Պողոսյանը։ Վերջինս «Քաղաքացիական պայմանագիր» կուսակցության ակտիվ անդամներից է և բազմիցս աչքի է ընկել լպիրշ պահվածքով ընդդիմադիրների, հանրության վերաբերյալ։

Բազմիցս Նիկոլ Փաշինյանին և նրա կուսակիցներին զգուշացրել էին, այդ անձի հոգեպես անհավասարակշիռ և քրեական հակումներ ունենալու հանգամանքի վերաբերյալ։ Ներսես Պողոսյանը, սակայն շարունակել է պաշտոնավարել։ Ի վերջո գրեթե բոլոր լրատվամիջոցները երեկ տեղեկություն տարածեցին, որ այդ անձը հնարավոր բոլոր թերություններից բացի, նաև կարող է կասկածվել թմրանյութ օգտագործելու կամ պահելու մեջ։ Ըստ էության, Ներսես Պողոսյանը գործող իշխանությունների լավագույն խորհրդանիշն է, իր կերպարով և անձով բնորոշում է, թե ինչպիսին է փաշինյանական իշխանության միջին վիճակագրական պաշտոնյան։

Մարատ Պետրոսյան