ՀԱԿ-ի ղեկավարությունը և Խաչատուր Սուքիասյանը լարված հարաբերությունների մեջ են
ՎԵՐԼՈՒԾՈՒԹՅՈՒՆՆԵՐ
1or.am կայքի տեղեկություններով՝ ՀԱԿ-ի ղեկավարության՝ Լևոն Տեր-Պետրոսյանի, Լևոն Զուրաբյանի և Խաչատուր Սուքիասյանի հարաբերությունները ծայրահեղ լարված են։ Լարված հարաբերություններն ավելի են սրվել վերջին դեպքից հետո, քանի որ Խաչատուր Սուքիասյանը այսօրվա իշխանության թիվ մեկ գործիչն է և հնարավորություններով գերազանցում է նաև երկրի վարչապետին և ֆինանսավորմամբ անձամբ ինքն է զբաղվում: Բոլորը սպասում էին, որ նա կֆինանսավորի և Վանո Սիրադեղյանի աճյունը կտեղափոխվի Հայաստան, սակայն նա անգամ չի հետաքրքրվել աճյունով։
Լարված հարաբերությունների բուն պատճառն այն է, որ Խաչատուր Սուքիասյանը, ով 2008 թվականին ՀԱԿ-ի շտաբի պետն էր, այսօր արդեն մեկուսացել է ՀԱԿ-ի ղեկավարությունից և ընտրությունների ժամանակ, չնայած, որ իրեն բազմաթիվ անգամ դիմել էին ֆինանսավորման համար, չի ֆինանսավորել։ Խաչատուր Սուքիասյանը ժամանակին Լևոն Տեր-Պետրոսյանի հետ էր միշտ, քանի որ Լևոն Տեր-Պետրոսյանը հնարավորություն ուներ կրկին վերադառնալու, իսկ հիմա, երբ վերադառնալու հույսեր չկան Խաչատուր Սուքիասյանը հրաժարվել է կապ ունենալ ՀԱԿ-ի ղեկավարության հետ։
Չնայած նրան, որ Վանո Սիրադեղյանը և Խաչատուր Սուքիասյանը ազգակցական կապ ունեն և ժամանակին էլ Վանո Սիրադեղյանի շնորհիվ Խաչատուր Սուքիասյանը մեծ ունեցվածքի տեր դարձավ հիմա անգամ չի հետաքրքրվում նրա աճյունի տեղափոխմամբ և չի շփվում նրա ընտանիքի հետ։ Պատահական չի նաև այն, որ վերջերս ՀԱԿ-ին մոտ կանգնած Շողեր Մաթևոսյանի «Չորրորդ իշխանություն» թերթում քննադատական հոդված է տպվել Խաչատուր Սուքիասյանի մասին, որ Վանո Սիրադեղյանի համար ոչինչ չի արել։
Սոնա Գիշյան
